Saint-Tropez
vanuit Wikipedia, die vrye ensiklopedie.
Saint-Tropez is 'n klein hawestad in die département Var (Frankryk) met sowat 6 000 inwoners. Die dorp lê aan die Côte d'Azur (Blou Kus) en aan die voet van die Massif des Maures (Maures-gebergte). Saint-Tropez is sedert die vyftigerjare 'n gewilde vakansieoord met jaarliks sowat vyf miljoen toeriste en 'n bekende kunstenaarskolonie.
Bo-oor die stad lê die die sitadel uit die jaar 1592 (Frans: "La Citadelle"), wat as uitkykplek dien en 'n museum vir seevaart en die plaaslike geskiedenis huisves.
[wysig] Geskiedenis
Volgens 'n ou legende is die naam van die stad afgelei van die Romeinse martelaar Tropes. Na sy onthoofding word sy lyk in 'n boot gegooi, wat later in die golf van Saint-Tropez strand.
Sedert die twintigerjare is die stad 'n ontmoetplek van Frankryk se modebedryf, en na die Tweede Wêreldoorlog kom bekende Franse eksistensialiste hier bymekaar. Danksy die rolprentster Brigitte Bardot raak Saint-Tropez vanaf die vyftigerjare as 'n vakansieoord van die welgesteldes gewild.
[wysig] Eksterne skakels
- 'n Webwerf oor Saint-Tropez met 'n video vir die Real-speler, foto's en musiek van Brigitte Bardot
- 'n Webwerf oor die skiereiland van Saint-Tropez met 'n video vir die Real-speler en baie foto's
- Die webwerf van Radio NRJ Saint-Tropez met video's en nuusberigte
 Die hawe van Saint-Tropez |
 Saint-Tropez |
 Die hawe van Saint-Tropez |
