Kuss
Us der alemannische Wikipedia, der freie Dialäkt-Enzyklopedy
 |
Dialäkt: Bärndütsch |
Es Müntschi isch, we me mit de Lippe e Person oder e Gägeschtand berüert. Das macht me uf der ganze Wäut, aber d Bedütig isch vo Kultur zu Kultur verschide.
Inhaltsverzeichnis |
[ändere] Zum Grüesse
|
Dialäkt: Bärndütsch |
Im Familie- oder Bekanntkreis isches i viune Gägende üeblech, sech mit eim oder mehrerne Müntschi uf d Backe ds begrüesse. Im alemannische Rum gitt me sech i dene Gebiet, wo am Wäutschland neecher sy, drü verteilt uf beidi Backe, i angerne Orte sy o zwöi oder eis Müntschi üeblech. Im alemannische Ruum begrüesse sech meischtens Maa u Frou oder Frou u Frou mit Müntschi, säutener zwe Manne. I angerne Kultuure begrüesse sech nume d Manne mit Müntschi während das de Froue verbotte isch. Während sech ir Dütschschwytz e Maa un e Frou, we si sech ds erschte Mau begägne, ender nume mitemne Händedruck begrüesse, gäbe sech die Wäutsche o scho denn drü Müntschi.
Päärli begrüesse sech im zentralalemannische Rum hüüfig mit emne Müntschi uf ds Muu. Das mache mängisch o di Junge, o we si nid zäme sy.
Formaler u meh zur Verehrig (vore Dame, oder z.B. vom Ring vom Papscht) aus e Gruess, isch der Handkuss, wo eigentlech drumm o nid Müntschi heisst.
[ändere] Zum Gärnha
|
Dialäkt: Bärndütsch |
Mitemne Müntschi chame Gfüeu wi Zueneigig, Liebi, Verlange oder Erregig usdrücke. Je nach Muntsch bruucht me derzue d Lippe, d Zunge oder d Zähn. D Lippe u d Zunge si sehr empfindlech, so das bim Müntschele vor auem ds Gschpüri zum Zug chunnt, was o erklärt, werum mes aus ìntiim empfindet. Teu Tantriker verzeue, das mitemne Müntschi Energiie fliesse.
[ändere] Zum Proschte
|
Dialäkt: Bärndütsch |
Mängisch gäbe sech Päärli bim Proschte hurti es Müntschi uf ds Muu. Angeri müesse zersch zümftig proschte, bevor si afö müntschele.
[ändere] Ds gschtoune
|
Dialäkt: Bärndütsch |
Es gschtounigs Müntschi isch eis, wome ufdrückt oder abhout, ohni dases di angeri Person wott. Je nach Situation chan en aagmässni Reaktion e Wasche oder es Müntschi zrugg sy.
[ändere] Ds Bier
|
Dialäkt: Bärndütsch |
Ds "Bärner Müntschi" isch es ungfiuterets naturtrübes u liecht hopfigs Bier vor Brauerei Felsenau. Es chunnt i urtümleche Fläschli mit Büguverschluss derhär.
[ändere] Ds Religiöse
|
Dialäkt: Bärndütsch |
Ds bi üs vermuetlech berüemtischte religiöse Müntschi isch das, wo gmäss der chrischtleche Mythologii der Judas der Jesus dermit verrate het.
