Islam
De Biquipedia
O Islam, que en arabe (إسلام) senifica chusmesa, ye una d'as tres grans relichions monoteístas, chunto con o chudaísmo y o cristianismo, y la terzera por orden cronolochico. Á la presona que prautica o Islam li se clama musulmán.
T'os creyens, o Islam procede d'a rebelazión feita á lo profeta Mahoma (u más correutamén en arabe Muhammad) por Dios en A Meca en o sieglo VII, y no ye una nueba relichión, so que a mesma berdá que Dios ha rebelau a trabiés de toz os suyos profetas a cada pueblo. Os debotos consideran que o Islam ye á la begada una relichión y una forma plena de bida.
