Milorcha
De Biquipedia
A milocha ye un artefauto bolador, emplegato per un regular como chuguet infantil, que consiste en un tarabidato sobre o cual s'estendilla un material lichero como papel, tela u plastico. O tarabidato s'achunta á un u más d'un filos largos que o guiador afloxa abonico ta fer-la bolar. En l'inte que l'aire exerze presión sobre a suya superfizie, la ba puyando e mobendo e ye faina de o piloto guiar-la e pribar de que caiga. Como elemento decoratibo, ye costumbre d'añadir-li betas u trozos de papel que fan de coda de a milorcha e s'esbolligan con a fuerza de l'aire.
Per a suya propia naturaleza, ye normal d'esplegar as milorchas en puestos ubiertos, an bufe un airaz, como los escampaders u as plachas.
Contenius |
[Editar] Istoria
As milorchas naxioron en l'antiga China. Se sape que ta las embueltas de l'año 1200 aC. se feban serbir como dispositibo de siñalizazión melitar. Os mobimientos e as colors de as milorchas costituyiban mensaches que se comunicaban en a distanzia entre estacamentos melitars. En o sieglo XII, en Europa, os chiquez ya chugaban con milorchas á las que añadiban betas ta fer-las sonar. Ye tamién d'estacar a onra feita per as milorchas como equipos de medizión atmosferica. O imbentor Benjamin Franklin emplegó una milorcha ta imbestigar os rayos e imbentar o pararrayos.
Güei día, a milorcha mantién a suya popularidá entre os ninos de totas as culturas, sobre tot en os países d'Asia, e esisten numerosos concursos e festibals per tot lo mundo.
[Editar] Se beiga tamién
- Kitesurf u surf con milorcha
[Editar] Miszelania
Milorcha ye tamién o nombre d'una interpresa aragonesa espezializata en esportes d'abentura á l'aire libre, con siede en Benás, Balbastro, Rodellar e Alquezra.
