Godfrey Harold Hardy
El Vikipedio
Matematiko > Matematikisto > HARDY
Godfrey Harold HARDY (naskiĝis je la 7-a de februaro 1877 en Cranleigh, Britio, kaj mortis je la 1-a de decembro 1947 en Kembriĝo, Britio), estis matematikisto.
Kiel matematikisto, li verkis pli ol 300 esplorad-raportojn, kaj la librojn "A Course of Pure Mathematics" kaj "An Introduction to the Theory of Numbers". Li tamen estas plu konata pro la disvastiga kaj duon-membiografia verko "Apologio de matematikisto".
Li estis fervora ateisto (=sendiisto) kaj li ŝategis la sporton kriketon. Li ankaŭ respondecas pri la venado al Eŭropo de la brila matematikisto Srinivasa Ramanujan (geniulo pri nombro-teorio el Barato), al kiu li enamiĝis. Malĝoje la barata matematikisto mortis pro malsano, supozeble pro malsamego de klimatoj inter Britio kaj Barato, kaj ankaŭ pro sopiro pri sia lando.
Estas ĝenerale agnoskita, ke Hardy estis samseksemulo (tion konfirmas lia delongtempa kunlaboranto J. E. Littlewood, lia studento Alan Turing, kaj lia amiko C. P. Snow). Pri sia samseksemo Hardy estis pli bonŝanca ol Turing (samseksemo estis tiam en Britio laŭleĝe krimo), ĉar li estis diskreta pri sia persona vivo kaj verŝajne ankaŭ ne emis al seks-rilatoj (li estis solulo laŭ personeco).
