Heinric van Veldeke
Van Wikipedia
Heinric van Veldeke (Henric van Veldeken) (ongevier 1128, Spalbeek - nao 1190) waor een Audlimburgs hofdichter.
Hae sjreef zien iejste wirke tusje 1170 en 1190, onger besjerming van gravin Agnes van Loon, koster Hessel va St.-Servaas te Mestreech en Hermann von Thüringen.
Van zien laevenslaup wit men neet väöl. Waarsjienlik sjpraok hae Frans en Latien, en hau hae kènnis va rech.
Hae is de iejsjte sjriever van de Laoge Leng woevan de naom bekind is. Hae is gebore in Spalbaek, in de buurt van Hasselt.
Zien belangriekste wèrk waor de Eneide, euver de Trojaanse held Aeneas. Dit wèrk, gebasied op de Franse Roman d'Énéas, is gesjreve rond 1175 op 't hof van de graof van Kleve. Allein de Middelduutsje vertaling van de Eneide haet de historie euverlaef.
Vanweige zien excellente techneek hauw Van Veldeke väöl invlood op de Duutsje literatuur vanaaf de twelfde ièw. Hae woerd gewaardierd veur zien lyrische poëzie, woevan ongevier dartig vuurbeild höbbe euverlaefd.
't Is neet zeker woeraan Van Veldeke is gesjtorve, mer 't waor nao 1190 en vuur 1205, toen 'r doer Wolfram von Eschenbach woerd genumd in zien Parzifal.
[bewirk] Wirke
- Eneide
- Sente Servas
