Haven
From Wikipedia
En Haven, (m., pl. Havens), ok Hoben, un Haben schreven, is en Steed an dat Water, de för de Schippfohrt inricht is.
En Haven is en Oort, wo Scheep anleggen köönt un mutt darum an’t Water liggen, direkt an’t Meer, an enen Stroom oder an enen See.
Dat Över bi enen grötteren Haven is tomehrst besünners muurt to en Kai. Op den Kai sünd de Ümslagsanlagen, Krään, Containerbrüchen, Suuger un anners mehr. För den Transpoort to Land is an de Kaianlaag faken ok en Straat un en Iesenbahn.
Dat gifft
- den Seehaven för de grötteren Schipp
- Containerhaven för Containerümslag
- Ölhaven för Erdöl
- Massengoothaven för Massengoot, so as Kahl, Erz, Koorn, Steen
- Passagierhaven för Passagierschipp
- Fährhaven för Fährschipp.
- den Binnenschippshaven för de lütten Binnenschipp
- den Sportboothaven för Seilbööd un anner Bööd.
Gröttere Havens sünd
- Hamborg
- Rotterdam
- New York
- Hongkong
- Tokio
- Bremen un Bremerhaven
- Willemshaven (Wilhelmshaven]
- Emden
- Kiel
- Göteborg
- Cuxhaven
De gröttste düütsche Binnenschippshaven is in Duisborg an den Rhien.
