Nichtmetall
From Wikipedia
Nichtmetalle sünd in de Chemie de Elementen, de keen Metall sünd.
De Nichmetalle staht in dat Periodensysteem baven un rechts. De metallische Charakter ward in een un de sülvige Period na rechts jümmers weniger. In een Grupp wasst he dorgegen vun baben na ünnen, dat heet je grötter de Atomen, desto metallischer dat Element.
Nichtmetallen sünd:
- Waterstoff
- Kohlenstoff
- Stickstoff
- Suurstoff
- Swevel
- Phosphor
- Selen
- All de Halogene, to’n Bispeel dat Chlor
- All de Eddelgasen, t. B. dat Helium
Nichtmetalle sünd bannig elektronegativ. Dat heet, dat se geern noch wat an Elektronen dorto kreegen wüllt. So kümmt dat, dat dat Chlor besünners licht to dat Chlorid-Ion ward. Dorüm finns de Nichtmetalle tomeist as Anion. Utnahmem dorvon sünd obers de Eddelgasen, de so goot as gor nich reageert.
Bi den Kohlenstoff stellt sik ober de Fraag, wat dat nu nipp un nau is. Kieks den Sott an, den de Sottje ut den Schosteen rutholt, denn is dat een Nichtmetall. Besünners ober de Diamant, wat een anner Modifikaschoon vun den Kohlenstoff is, is een typisch Nichtmetall. Ober denn in’n Bliesticken, dor is Graphit binnen. Un wenn du dor een Batterie ranmookst un een Lamp, denn kanns sehn, dat de elektrisch Stroom dor goot dörgeiht. Dat tellt ober to den metallischen Charakter.
