Rheine
From Wikipedia
| Wappen | Kaart |
|---|---|
 |
 |
| Daten | |
| Bundsland: | Noordrhien-Westfalen |
| Inwahner: | 77.052 (4. Januar 2006) |
| Website: | www.rheine.de |
| Börgermeester: | Dr. Angelika Kordfelder (SPD) |
Rheine is eene Stadt in’d Noorden van Westfalen, an de Iämse. De Stroom geiht midden durch de Stadt. Rheine liggt in'd düütsche Bundsland Noordrhien-Westfalen, direkt an’ne Grenz to Neddersassen, un is de grautste Stadt midden innen Kreis Stemmert tüsken de lüttken Oorte Nienkiärken, Saoltbiärgen, Hörstel un Iämsdetten. Manchereener van de Rheinsken seggt up Plattdüütsch ook Rheni oder Rene för sine Stadt.
In’d Süden van Rheine gifft dat de Oorte Mesum un Elte, wat vandage to Rheine höört.
[Ännern] Geschichte un Spraoke
In’d Jaohr 838 n. Chr. is de Naome van düse Oort das eerste Maol in eene Urkunde as "Reni" upschriewen wuorn. 500 Jaohr later, in'd Jaohr 1327, is Rheine eene Stadt wuorn. Aower dat is noch nich lang so, dat Rheine so'n graute Stadt is as vandage. Eerst bi de Industrialisierung is uut de lüttke Landstadt een Industriestadt wuorn met ville Fabriken van de Textilindustrie. Vandage liäwen 77.052 Mensken in Rheine. Van düse Mensken küert nur noch weinig giärne de plattdüütschen Tungenslag in sine westfälske un mönsterlänsk Form. Vandage küert se in Rheine leiwer Hauchdüütsch, vor allem de junge Lüde.
Fröher was Rheine in de Hanse west un höört nu to de Niege Hanse.
[Ännern] Siähnswördigkeiten
Midden inne Stadt is een olle Kiärke (baut van 1400 to 1527). De Naome van düse Kiärke is St. Dionys. Een paar olle Börgerhüüser sünd direkt daoniäwen an’d Marktplatz. Ne andere fine Kiärke is de Basilika St. Antonius met de grautste Kiärkenturm in’d ganze Mönsterland.
Nich weit weg van de Stadt is de Bentlager Bosch, een finen Wald mit olle Bäumkes un Pättkes för’d Wandern un Laupen. Midden innen Bosch is ook een Klooster. Dao kann man nach’n Spaziergang eene Tasse Kaffee drinken un sick Billers in’d Museum ankieken. Niäwen düsen Bosch sünd eene Saline un daoniäwen een Deerpark, de Naturzoo. Dao künnt de Kinners ihre Plaseer häbben un daobi ook wat lernen.
[Ännern] Sport
In Rheine gifft dat een Fruenfootball-Bunnsligavereen, den 1. FFC Heike Rheine.
