Ølen

Frå Wikipedia – det frie oppslagsverket

Våpen	Kart
	Fil:Ølen kart.png
Grunnleggjande opplysningar
Kommunenr:	1159
Fylke:	Rogaland
Administrasjonssenter:	Ølensjøen
Flatevidd:	184 km²
Folketal:	3 426 (2004)
Målform:	Nynorsk
Internettside:	www.olen.kommune.no
Politikk
Ordførar:	Arne Bergsvåg (Sp) 2003-2005

Ølen er ein tidlegare kommune i Sunnhordland. Kommunen vart frå 1. januar 2002 overført frå Hordaland fylke til Rogaland. Kommunen grensa mot land med Vindafjord i sør og Etne i aust. Mot havet grensa kommunen med Kvinnherad og Stord i nord og Sveio i vest. Kommunesenteret Ølensjøen var den største tettstaden. Andre tettstadar var Ølensvåg, Vikebygd og Bjoa.

Ølen kommune vart slegen saman med Vindafjord den 1. januar 2006. Namnet på den nye kommunen vart Vindafjord, kommunesenteret vart lokalisert i Ølen sentrum (Ølensjøen). Nytt felles kommunestyre var det val på i samband med stortingsvalet 2005.

[endre] Historie

Namnet Ølen kjem av norrønt språk Olund eller Ǫlund. Dette kan ha vore det opphavlege namnet på Ølensfjorden. Tilhøyrande innbyggjarnamn er Ølensbu eller Ølsbu. Namnet har samanheng med norrønt ala, næring eller føde, og kan sikta til rikdom på fisk. Namna Ølensjøen og Ølensvåg er laga ut frå namnet ǫlund. Eit namn nytta i dansketida var Aalund (Ålund). Namnet vart nytta til innpå 1800-talet. Ølen vart eigen kommune i 1916, og omfatta då kyrkjesokna Ølen og Bjoa. I 1964 kom til Austre Vikebygd til. Det heradet Vikebygd vart delt mellom kommunane Sveio og Ølen. Før 1916 var Ølen ein del av Fjelberg (Fjeldberg) herad og prestegjeld. Ølen høyrde til dette prestegjeldet fram til 1954, då Ølen vart eige prestegjeld som omfatta sokna Ølen og Bjoa, frå 1964 òg Vikebygd sokn. Soknet er i dag tilsvarande Ølen kommune.