Gene Tierney
Un article de Wikipèdia, l'enciclopèdia liura.
Actriça americana, nascuda a New York en 19 de novembre de 1920, mòrta a Houston, al Texàs, lo 6 de novembre de 1991. Deguet son primier rònle a Hollywood a Fritz Lang dinc lo Retorn de Frank James (1940). De 1940 a 1945 ròda ambé li mai grands registas del temp, que faun de guela una deis eroïnas di « filmes negres » de l’atge d’aur d’Hollywood: Jòhn Fòrd (Tobacco Road, 1941), Henry Hathaway (Sundown, 1941), Josef vòn Sternberg (The Shanghai Gesture, 1941), Ruben Mamoulian (Rings on Her Fingers, 1942), Ernst Lubitsch (Heaven Can Wait, 1943). Mas cò’s dinc lo cap d’òbra d’Otto Preminger, Laura (1944), qu’obtenguet lo rònle que ne’n faguet una estiala mitica de l’imatge verinos e sensuau. Recebet puèi un Oscar (Leave Her to Heaven, 1945) de Jòhn Stahl, mas, après dos filmes ambé Joseph Mankiewicz : Dragonwyck en 1946, e The Ghost and Mrs. Muir, en 1947, li ofriguèron pas mai que de rònles segondàris, e sa carrièira s’arrestet dinc leis annadas cinquanta.
Pasmens la Trèva e Dòna Muir èra un film plen d’encant e guela i èra una eroïna luminosa.
