Lenghe catalane
De Vichipedie, la enciclopedie libare dute in marilenghe.
|
|
|
|---|---|
| Pronuncie native: | [kataˈlaː] (ocidentâl) [kətəˈlaː] (orientâl) |
| Altris denominazions: | valenzian, mallorquí, menorquí, eivissenc |
| Fevelât in: | Andorra, Spagne, France e Italie |
| Regjon: | Catalugne, Paîs valenzian, Baleârs, France ocidentâl, Alghero |
| Fevelants: | 9,5 milions |
| Posizion: | |
| Classificazion gjenetiche: | Lenghe indoeuropeane Italiche |
|
|
|
| Lenghe ufiziâl di: | Spagne, Andorra |
| Regolât di: | Institut d'Estudis Catalans Acadèmia Valenciana de la Llengua |
|
|
|
| ISO 639-1 | ca |
| ISO 639-2 | cat |
| SIL | cat |
| cjale ancje: Lenghe | |
Il catalan (o lenghe catalane) e je une lenghe romanze fevelade di cirche nûf milions e mieç di personis soredut in Spagne tes regjons de Catalugne, dai Pais Valenzians e tes isulis Baleârs. Le lenghe si cjacare ancje in altris bandis come te France dal sud o te citât di Alghero (L'Alguer) in Sardegne. Le minorance catalane in Italie e je ricognossude de leç 482/1999. Il catalan che si fevele tai Pais Valenzians si clame uficialmentri Valenzian.
[cambie] Storie dal catalan
Le lenghe catalane e à une storie une vore antighe. E je nassude dal latin ator dal IX secul su lis monts Pireneis par difondisi tai secui seguitîfs ancje par jessi stade le lenghe doprade dai reams Aragonês. Tal XVII secul al à vût un periodi di decjadince pe prevalence de lenghe castiliane. Tant che lis autoritâts spagnolis a rivavin a fâ passâ la idee che al fos dome un dialet dal castilian. Tal XIX secul e je scomençade la rinassite de lenghe e tai prins dal XX secul si è rivâts a adotâ une grafie normalizade di doprâ cun dutis lis variantis de lenghe. Chest al à puartât a un grant sburt te produzion di gjornâi, libris e oparis teatrâls. Le ditature di Franco e a cirût di fermâ dut chest improibint il dirit a doprâlu. Cu la democrazie, dal 1979 in ca, il Catalan al è diventât lenghe uficiâl in Catalogne, tai pais Valenzians, te isulis Baleârs e in Aragone. Il catalan e je ancje le lenghe uficiâl dal principât di Andorra.
