Kanji

Na Galipedia, a wikipedia en galego.

Esta páxina contén texto en xaponés.
Se o seu navigador non está coa configuración axeitada, talvez vexa caracteres estraños.

Kanji

Kanji (漢字, literalmente "Carácter Han") é o nome dos caracteres chineses utilizados na escrita da lingua xaponesa.

Dentro do proceso de consolidación da linguaxe xaponesa, á par dun desenvolvimento de alfabeto silábico, adoptouse o sistema ideográfico chinés para expresar a lingua. O uso dos Kanji é un dos tres principais xeitos de escrita xaponesa, os outros dous son Hiragana e Katakana, agrupados como Kana.

Os Kanji úsanse para expresar so conceptos, a diferencia do chinés, onde poden ser tamén utilizados no seu caracter fonético. Nunha mesma palabra poden convivir kanji con kanas: a un kanji corresponde un significado e usase como determinante da raíz da palabra, mentres que as derivacións, conxugacións e accidentes expresanse mediante o uso de kana (en especial de hiragana) co nome de Okurigana, así conviven tanto o sistema de escrita autóctono e o sistema importado.

Unha pequena curiosidade é que o xaponés, ao adquirir a escrita Han no século VII, mantén case inalterados os símbolos que en China continental foron reformados (simplificados) durante a Revolución Cultural dos anos 60.

[editar] Lectura

Un kanji pode ter diferentes pronuncias, ou "lecturas", dependendo do contexto, uso en combinación, e maila súa localización na oración. Alguns kanji comúns teñen dez ou máis posibeis lecturas. Estas lecturas son categorizadas nas derivadas do chinés, onyomi (音読み) ou na lectura nativa kunyomi (訓読み). Comunmente usanse dúas lecturas, unha de kunyomi e outra de onyomi coas súas alteracións fonéticas accidentais.

O xeito de ler un kanji depende do contexto e de dúas xeralidades (nas cais hai moitas excepcións):

Unha palabra dun so kanji ou seguida de okurigana, lese como kun'yomi. Tal é o caso dos verbos, por exemplo ver (miru, 見る), tén un okurigana que lle dá lectura xaponesa.
Unha combinación de kanji nunha palabra dá unha lectura on'yomi. É o caso do kanji do 'campo de arroz' (ta, 田) que cando se usa en combinación con outro, lese da (honda, 本田).

[editar] Uso de kanjis en Occidente

Aparte da escrita de idiomas do leste asiático, os kanji teñen pouco ou nulo uso en lugares onde domina o alfabeto latino. Popularmente, e pola complexidade dos seus trazos e o críptico que poden chegar a ser, utilizanse como ornamentos, os cais incluso alcanzan a cultura do tatuaxe. Con base na estética dos caracteres, tamén se usaron como proxectos de diseño nas escolas da materia.