Hildegard von Bingen

De Wikipedia, le encyclopedia libere

Illuminatio medievo depictante Hildegard von Bingen e le monacho Volmar

Hildegard von Bingen (16 september 1098 - 17 september 1179) esseva un abbatessa, mystica, e compositor german.

Tabula de contento

1 Le vita de Hildegard
2 Le operas de Hildegard
3 Bibliographia
4 Ligamines externe

[modificar] Le vita de Hildegard

Hildegard esseva nascite in un familia de cavalleros qui serviva le contes de Sponheim, e, proque illa esseva le decime infante, esseva inviate a monasterio benedictin como decima. Illa esseva respectate de Jutta, soror del conte Meinhard de Sponheim, e quando Jutta moriva in 1136 Hildegard esseva eligite pro abbatessa.

Postea, Hildegard persuadeva le abbas del benedictinos a lassar la fundar un monasterio de monachas, que esseva edificate a Rupertsberg, juxta Bingen. Iste monasterio superviveva apud le Bello de Trenta Annos.

Como administrator de monasterios illa correspondeva con multe personages famose, como multe Papas, imperator Fredrik Barbarossa e St. Bernard de Clairvaux.

[modificar] Le operas de Hildegard

Hildegard scribeva multo, e multo de su operas ha supervivite. Illa scribeva super su visiones religiose, le musica, le medicina, et cetera. Cinque annos post su elevation como abbatessa illa esseva vocate per Deo a "scriber lo que illa videva". Isto esseva assemblate in tres libros, Scivias, Liber vitae meritorum e De operatione Dei, anque note sub le nomine Liber divinorum operum.

Illa non solmente scribeva libros, sed etiam componeva le musica. Circa octanta de su compositiones supervive, que es multo plus que tote altere compositores medieval. Inter su operas le plus famose es le Ordo Virtutum, un oratorio primitive pro le voces de feminas con un parte pro viros - le voce del Diabolo.