Порто Ново
Од Википедија, слободна енциклопедија
Порто Ново (исто така познат и како Хогбоноу и Аџаце) е главниот град на Бенин. Овој град има околу 223,552 жители и претставува пристаниште кое се наоѓа на островче на Гвинејскиот Залив, во југоисточниот дел на земјата. Порто Ново е вториот најголем град во Бенин, по Котону (град кој е поважен од Порто Ново, како на политички, така и на културен план). Во регионот околу градот се произведуваат палмово масло, памук и капок. Нафтата беше откриена во 1990-тите и постана важен извозен продукт.
[уреди] Знаменитости
- Музеј за етнографија во Порто Ново, содржи голема колекција на Јоруба маски, како и предмети поврзани со историјата на градот и Бенин.
- Замокот на кралот Тофа, сега музеј, покажува каков бил животот на африканското кралско семејство.
- Jardin Place Jean Bayol е голем плоштад кој има статуа на првиот крал на Порто Ново.
- Музеј Да Силва, музеј за историјата на Бенин. Покажува каков бил животот на Афро-Бразилците кога се вратиле во градот.
- Палатата на гувернерот е дом на националната законодавна власт.
