Basgeg
Oddi wrth Wicipedia, y gwyddoniadur rhydd.
| Basgeg (Euskara) | |
|---|---|
| Siaredir yn: | Gwlad y Basg (Gogledd Sbaen, De Ffrainc) |
| Parth: | Gorllewin Ewrop |
| Siaradwyr iaith gyntaf: | 700,000 |
| Safle yn ôl nifer siaradwyr: | anhysbys |
| Dosbarthiad genetig: | iaith unigyn |
| Statws swyddogol | |
| Iaith swyddogol yn: | Gwlad y Basg a Navarra (Sbaen). |
| Rheolir gan: | neb |
| Codau iaith | |
| ISO 639-1 | eu |
| ISO 639-2 | baq (B)/eus (T) |
| ISO/DIS 639-3 | eus |
| Gwelwch hefyd: Iaith – Rhestr ieithoedd | |
Iaith Gwlad y Basg (Euskadi) yw Basgeg. Siaredir gan dipyn uwch hanner filiwn o bobl, tua'r un faint â'r Gymraeg, yng Ngwlad y Basg, y fwyafrif lethol ohonyn nhw yn Sbaen. Ynghŷd â'r Sbaeneg, mae hi'n iaith swyddogol y tu fewn i'r Gymuned Hunanlywodraethol Fasgaidd.
Dyw'r Fasgeg ddim yn perthyn i'r teulu o ieithoedd Indo-Ewropeaidd fel rhan fwyaf ieithoedd eraill Ewrop. Mae hi'n iaith unigyn, hynny yw, does dim perthynas hanesyddol wedi'i phrofi rhyngddo ac unrhyw iaith arall, er bod rhai cysylltiadau dadleuol â ieithoedd y Cawcasws wedi cael eu hawgrymu. Mae'n bosib felly ei bod yn rhelyw o'r ieithoedd oedd yn cael ei siarad yng ngorllewin Ewrop cyn dyfodiad yr Indo-Ewropeiaid.
[golygu] Hanes yr iaith
Ceir olion o'r Fasgeg o'r cyfnod Rhufeinig mewn arysgrifau yn yr iaith Acquitaneg o'r dalaith Rufeinig Aquitania. Mae'n eglur bod yr arysgrifau hyn mewn ffurf gynnar o'r Fasgeg.
[golygu] Enghreifftiau o'r iaith
Kaixo = shwmae
Eskerrik asko = diolch
Ikasle = myfyriwr
Ikasleak = myfyrwyr
Euskadi = Gwlad y Basg
Euskara = iaith Fasgeg
Txokolatea = siocled
Eta = a
Nire Jauna eta nire Jaunko = Fy Arglwydd a'm Duw (Geiriau Sant Tomos yn y Beibl)
