Forveyou payis

Èn årtike di Wikipedia.

On forveyou payis, c' est on payis, ene veye, on viyaedje ki n' egzistêye nén podbon.

Les nos d' forveyous payis sont ddja dins l' lingaedje dispu todi, udonbén k' i sont-st edvintés pa les scrijheus, po fé mådjiner des plaeces ås floricontes, u po xhiner des viyaedjes erirés.

Li rireye des ptits viyaedjes, si rtrove eto dins des fotantès tchansons come les vepes di Glaireuse, u dins les spots a vey avou l' cafè.

Li minme toû egzistêye eto avou les nos d' djins.

Ådvins

1 Sacwants nos walons u askepîs pa des Walons po des viyaedjes et payis ki n' egzistèt nén
2 Sacwants nos di payis ki n' egzistèt nén dins des ôtes lingaedjes
3 Alére

[candjî] Sacwants nos walons u askepîs pa des Walons po des viyaedjes et payis ki n' egzistèt nén

[candjî] e vî lingaedje

Halbeskeute : payis ki tot est bea, la k' on loye les tchéns avou des såçusses. Li mot a stî rilevé dins l' Motî del Hesbaye.
Xhoutsiplou : viyaedje k' egzistêye podbon (end a sacwants), mins metou po on viyaedje do dbout do monde, k' on n' sait nén djusse wice ki c' est.

[candjî] askepyîs pa des scrijheus e walon

boket di "on byin bråve ome", ki prezinte li viyaedje d' Otiamont

Foufgneye, Foufgneye-les-berdouyes : viyaedje po rire (tite d' ene pîce di teyåte).
Otiamont, viyaedje del Walonreye, la ki l' accion di On byin bråve ome si passe.
Banesårt (ban e sårt) et l' Basse-Brå, la ki l' accion di Li batreye des cwate vints si passe.
Rodjimont, po sacwants noveles da Emile Gilliard.
Lene, li viyaedje da Djustin dins So l' anuti.
Ras Al Katbras, li no di l' emirat arabe di On cokea å solea.

[candjî] askepyîs pa des scrijheus del Walonreye

[candjî] Hergé

Molénsårt (Moulinsart), li tchestea do Captinne Hadok (Hergé), ki sereut bén ene sadju e Roman Payis.
Sildaveye (k' el manoye, c' est les kôrs (les cwårs) et Boirdureye (Syldavie, Bordurie) : payis d' l' Urope Levantrece del binde d' imådjes Tintin.

[candjî] A. Masson

Trignole viyaedje des persounaedje da Arthur Masson, fwait di l' aplacaedje di deus ôtes viyaedjes, Tregne et Matignole.

[candjî] Sacwants nos di payis ki n' egzistèt nén dins des ôtes lingaedjes

arabe : sind ou l' hind (kécfeye po li Chine et l' Inde), payis d' å lon dins les floricontes.
- arabe marokin : jazilat Chakerbakerban (tite d' on fime, iye avou on no po rire, ki rapinse leban (bourté).
francès : Pays de Cocagne, come li Halbeskeute e walon.
- francès d' Walonreye :
  - Houtsiplou : minme sinse k' e walon.
inglès : Utopia, forveyou payis edvinté på scrijheu Thomas Moore
grek, et ôtes lingaedjes di l' Urope : Atlandide.