Uiquipedia:Chigre

De Uiquipedia

Chigre
Esta ye una páxina pa esclariar duldes y facer propuestes sobre la Uiquipedia. Pa discutir sobre un artículu, usa la so páxina de discutiniu. Pa vieyos alderiques, echa un güeyu a l'archivu del chigre. Un tema habitual ye'l nome de la Uiqui, que pa nun saturar el chigre ta equí. Pa les duldes gramaticales y léxiques, ve a la páxina d'ortografía.
Pa entamar una nueva conversación, calca equí.
Pa contesta-y a daquién nun tema yá abiertu da-y onde trae editar nel tema que seya.
¡Y nun t'escaezas de firmar!

Tabla de conteníos 1 Proyeutu normalización 2 Propuesta de política pa borrar artículos 3 Una dubia de novatu 4 Spam o corréu puxarra 5 quiero collaborar 6 Mapamundi n'asturianu 7 Orixinalidá de la portada 8 África 9 rsgBot 10 Mediawiki n'asturianu 11 Llibru d'estilu 12 ISBN 13 Artículos mirandés/mirandês 14 5.000 artículos 15 Autopistes y carreteres 16 Flag bot to BOT-Superzerocool 17 Reportax nun diariu 18 Request of bot flag for Zyxwvut-Bot 19 Ayuda 20 Nomes de les llingües 21 Imaxen o archivu multimedia destacáu del mes 22 como fago pa que nun salga la mio ip 23 Propuesta de nueva portada 24 Bot request Thijs!bot 25 saludu 26 Portal de la comunidá 27 Plantilles d'elementos químicos 28 850 artículos de un plumazo 29 Please, help slavonians! 30 Escarbot 31 Un par de cosuques 32 Bots 33 Edá, Época, Era, Dómina (xeolóxiques) 34 6.000 Artículos 35 Wikimania 2007 Team Bulletin 36 Testu de la Ilesia sobre la reforma l'estatutu 37 Nomes científicos 38 Plantía de cine

[editar] Proyeutu normalización

A ver si nun vos parez mal lo que fice. Creo que tenemos que discutir enforma esti tema. Uiquipedia:Proyeutu normalización. Jesusito 16:48, 1 xunu 2006 (UTC)

Tamién propongo camudar l'enllaz que dende la portada lleva a Variantes ortográficas pol de Uiquipedia:Cómo pueo collaborar. Jesusito 16:52, 1 xunu 2006 (UTC)

Paezme mui interesante clarificar les coses, y sigo con esi debate na páxina de discusión del "proyeutu de normalización". Toi d'alcueru no de cambiar l'enllaz de les variantes ortográfiques: yá dixi va tiempu qu'esa alvertencia nun tien nenguna xustificación, porque les diferencies ente la llingua de Lleón y la d'Asturies nun son dialectales nin ortográfiques. Motán 19:45, 1 xunu 2006 (UTC)

[editar] Propuesta de política pa borrar artículos

Acabo de facer un borrador de propuesta pa borrar artículos. Ye esti. Podéis comentar lo que vos parez na discusión. Sobre too, lo referente a les votaciones, si vos parez bien el plazu, los requisitos, etc. Gracies. --rsg (mensaxes) 09:51, 6 xunu 2006 (UTC)

A mi paezme bien --Nanuc 11:57, 6 xunu 2006 (UTC)

Préstame la idea. Paezme bien la regla de les 3/4 partes --Esbardu 13:26, 6 xunu 2006 (UTC)

Ta bien.--Mikel (mensaxes) 14:17, 6 xunu 2006 (UTC)

De xuru. Por mín val como política oficial. Jesusito 14:19, 6 xunu 2006 (UTC)

Paez bastante razonable. Motán 14:35, 6 xunu 2006 (UTC)

una cosa referente a estu, fai dallos articulos que tien de yer borraos, fixaos no caberu comudamientu d´agora, que pon val de rios, dice namas : hijos de puta, estu ye obra dexuru dún facha españolin que quier sabotear la nuesa enciclopeidia, e nun ye el primer articulu que veu asina, que nun ye seriu y que solu pa ofensar

[editar] Una dubia de novatu

Hola a toos. Perdonái que faiga esta entruga, pero cuando facemos un artículu nuevu, a lo cabero d'elli ponemos los interwikis, ¿non? Pero ¿y nes otres llingües? ¿Hai que-yos actualizar los artículos, fáenlo ellos cuando s'enteren, o cámbiase too automáticamente en cuantes que ponemos los interwikis na nuesa versión d'articulu? ¿Cómo faéis vosotros cuando creáis artículos nuevos? Un saludu --Esbardu 20:48, 7 xunu 2006 (UTC)

Yo depende. Si l'artículu nun ta disponible en munches wikis voi poniendo les interwikis de una en una. Si ta en una retafila llarga de wikis, entós póngoles en les más grandes (ingles, español, frances, italianu, por exemplu). Creo que lluéu hai unos programines que van actualizando ese tema automáticamente, los bots, pero cómo furrulen sábelo meyor rsg. Saludos... Jesusito 07:42, 8 xunu 2006 (UTC)

Yo faigo igual, si l'artículu ta en poques wikis póngolo yo a mano, sinon, con ponelu n'alguna de les grandes de xuru que ya lo pillen los bots y lo van actualizando ellos. Lo de los bots interwikis ye bien fácil, son programinos que van peles wikis a la gueta d'enllaces y cuando topen alguna páxina a la que-y falten, ponenlos. Equí tenemos unos cuantos, pa ver como trabayen podéis dar en "Amosar bots" na páxina de Caberos camudamientos. --rsg (mensaxes) 23:49, 8 xunu 2006 (UTC)

[editar] Spam o corréu puxarra

Hola a toos. Plantégovos un alderique tocante al términu más afayadizu p'anomar los emilios de publicidá. Mirái la páxina de discusión del artículu Corréu puxarra a ver qué pensáis del tema. Un saludu --Esbardu 21:25, 11 xunu 2006 (UTC)

[editar] quiero collaborar

[editar] Mapamundi n'asturianu

Según les noticies ([1] y [2]) l'Axencia Asturiana de Cooperación acaba sacar un mapamundi n'asturianu. Por más que busco por internet nun doi con él. Vendríanos mui bien pa ver que nomes yos ponen a dellos países. ¿Alguien más hábil que yo sabe algún enllaz? O si lo tien "de verdá" tamién val. --rsg (mensaxes) 11:54, 13 xunu 2006 (UTC)

Tienlu Usuariu:Mikel físicamente y díxome que diba mirar la toponimia emplegada pa posibles igües y redireiciones. Nel mapa pon que ta iguao pola Oficina de Política Llingüística del Principado. Yo voi ver si garro unu perhí porque prestaríame abondo tenelu. Jesusito 14:31, 13 xunu 2006 (UTC)

Sí, los que vivimos fuera d'Asturies díbamos agradecevos, a los que podáis facevos con él, que mos pongáis una llista de los nomes qu'apaecen. Que'l documentu tenga'l preste de la Oficina de Política llingüística del Principáu paezme garantía suficiente pa que lu usemos equí como base de trabayu . Motán 14:59, 13 xunu 2006 (UTC)

En cuantes tenga un ratín fadre un llistau pa dir trabayando.--Mikel (mensaxes) 18:04, 13 xunu 2006 (UTC)

Por culpa de Jesusito ("qué bien taba calláu" pensarás tu) paezme que te voi aburrir un cachu. Polo menos hasta que me faiga col mapa o hasta que me mandes a paséu. Si nun t'avaga facer una llista completa ¿Pues mirar polo menos cómo apaecen estos llugares ?

Kenya, Tokyo, Istanbul, Liège, Pekín, Mar prietu .

Munches Gracies. Motán 20:33, 13 xunu 2006 (UTC)

Pos allá van: Keña, Tokio, Estambul, (Liège nun figura), Beijing o Pequín, Mar Negru. Si puedo mañana entamaré una llista empezando por paises, de toes formes nun aseguro nada. Saludos --Mikel (mensaxes) 21:43, 13 xunu 2006 (UTC)

Liège figura como Liex na introducción d'Antón García a la Poesía Asturiana y Traducciones de Fernán Coronas. Nun ye normativu, pero por si pue ayudar...

Una preguntina del mapamundi: ¿Diz Estaos Xuníos o Estaos Uníos? -Esbardu 19:52, 19 xunu 2006 (UTC)

Estaos Xuníos d'América --Mikel (mensaxes) 20:05, 19 xunu 2006 (UTC)

Ando revisando los nomes de los paises según el Mapamundi pero tope con algunes coses que nun me cuadran, por exeplu el Reinu Uníu (o Xuníu que ye como aparece esta pallabra (Estaos Xuníos, Emirátos Árabes Xuníos...) vien como Gran Bretaña cuando esto ye namás la islla onde tan Escocia, Gales y Inglaterra amás que'l nome oficial ye algo parecíu a Reinu Uníu de Gran Bretaña y Irlanda del Norte. Tamién nel caso de les dos corees apaez como República Popular Democrática de Corea y República de Corea cuando quiciabes seya más reconocible por Corea del Norte y Corea del Sur. ¿Qué facer nestos casos? Dame la sensación de que nun punxieron munches ganes a la hora de facer el Mapamundi.--Mikel (mensaxes) 14:44, 23 setiembre 2006 (UTC)

Ya, según veo (nun teo'l mapa) hai cosines que nun concuayen, por exemplu ponen Keña y depues dexen Tokio (y non Toquio) y coses asina. Yo nun soi quien pa decantame por una opción o otra, pero sí paez que nun punxeron munchu procuru al faer el benditu mapa. Tocante a Gran Bretaña y les Corees, yo fadría lo que tienen los de la wiki en castellanu: Gran Bretaña como la islla mesma. Reinu Xuníu como'l país qu'aglutina 4 naciones (y col nome curtiu, anque na tabla del país se ponga completu). Artículos de les corees: col nome de RPD Corea y R corea, redireicionando a ellos dende Corea del Norte y del Sur.

Aprovechando la cosa, ¿qué pasó cola páxina de prueba de la portada? ¿camudámosla? Podíemos faer votaciones. Un saludu --Esbardu 17:20, 23 setiembre 2006 (UTC)

[editar] Orixinalidá de la portada

Queria proponevos camudar d´alguna caxigalina nos menus, ya se que aparentemente ta bien y ye too normativo pero. A min paezme que pallabres como paxina, portada,ayuda,historia nun puen facese traducciones lliteraries, pa dai mas orixinalida a la nuesa enciclopedia y que recoya a tolos falantes. Por exemplu fueya taria meyor que paxina y un gabitu que ayuda, guetar, aunque seya pa les castañes que buscar. nun se podiamos facer un foru con propuestes y camudar cosines. (Xaime)

Nin de coña. Yo niégome dafechu. Equí nun se trata de ser orixinales sinon de facer una wikipedia, esto ye: una enciclopedia llibre. Si quies facer coses orixinales y poner guetar envede buscar, pues facer una web perhí. Busca nel DALA, y verá que buscar ye asturianu. Ya en su día se faló de les igües qu'habrá facer nos menus, por errores ortográficos, non por estremalos del castellanu. En cuantes a les variantes, eso ta en discutiniu, pero namás pal casu de les collaboraciones de llión. L'estandar ye l'estandar, ta pensao pa valir pa tolos falantes, y encamiéntote a que-y eches un güeyu a les normes ortográfiques y la gramática, porque, nun me lo tomes a mal, falta te fai. Jesusito 15:16, 15 xunu 2006 (UTC)

Guei tube esbillando colo de la utilidá de hestoria. Y dime cuenta que en toles guebs d´actualida pela rede apaez muncho mas que historia. Tb en el diccionario d´arias apez como preferente.Nos documentos vieyos n´asturianu ye la unica variante usá. Sin dir a ningun llau equi nos xepartaos de llion y miranda tb apaez.(xaime)

En vez de buscar pue ponese alcontrar. pq nun facemos un foru pa entamar camudamientos nos nomes (piri)

[editar] África

Gustábame poneme con gracia esta selmana a completar un pocu los artículos relacionaos con África: hai munchos que tovía nun tán creaos y otros que merecen una ampliación o una revisión curiosa. Si s'anima daquién a ponese tamién a ello igual acabamos antes ente toos ... Y otra selmana facemos lo mesmo con Asia, América, etc.

Como base de trabayu, podíamos partir, abusando de l'amabilidá de los que lu tienen, del famosu mapa de Peters qu'acaba d'editase na nuestra llingua. ¿Podía daquién ponemos equí una llista de los Topónimos qu'apaecen? Los países, claro, pero tamién les ciudaes, ríos, llagos y mares si tien vagar . Motán

Nun va pol orde alfabéticu, pero espero que valga.

Marruecos, Arxelia, Túnez, Libia, Exipto, Sahara Occidental, Mauritania, Malí, Níxer, Chad, Sudán, Senegal, Gambia, Guinea, Guinea-Bissáu, Costa de Marfil, Liberia, Sierra Leona, Burkina Faso, Ghana, Togo, Benin, Nixeria, Camerún, República Centroafricana, Eritrea, Etiopía, Somalia, Guinea Ecuatorial, Gabón, Congo, República Democrática del Congo, Uganda, Keña, Ruanda, Burundi, República Xunida de Tanzania, Angola, Zambeze, Zimbabue, Malaui, Mozambique, Madagascar, Namibia, Botsuana, Suazilandia, Lesotho, República Surafricana, Mauricio, Islles Comores, Islles Seychelles, Santu Tomás y Príncipe, Cabu Verde, Yibuti, Yibuti (ciudá).

Otros: Casablanca, Rabat, Tánxer, Orán, Arxel, Tarabulus (ye Trípoli), Alexandría, Giza, El Cairo, L'Ayún, Nouakchott, Dakar, Praia, Niamey, N'Djamena, Khartum, Asmara, Addis Abeba, Mogadixo, Nairobi, Bujumbura, Kampala, Kigali, Kinshasa, Brazzaville, Libreville, Bata, Santu Tomás (islla), Príncipe (islla), Yaundé, Bangui, Abuja, Llagos, Porto Novo, Lomé, Accra, Yamusukro, Abidjan, Uagadugú, Monrovia, Freetown, Conakry, Banjul, Bissau, Dodoma, Luanda, Lusaka, Lilongwe, Maputo, Harare, Antananarivo, Moroni, Maseru, Gaborone, Windhoek, Tsuane (Pretoria), Ciudá del Cabu.

Jesusito 10:52, 19 xunu 2006 (UTC)

Munches gracies. Motán 11:04, 19 xunu 2006 (UTC)

un par de duldes, ensin querer abusar demasioa de l'amabilidá de Jesusito: paezme que Zambeze ye un ríu y qu'el nome del país ye Zambia. ¿non? ¿Benin y Sahara apaecen asina ensin acentos? (motán)

Nun tengo equí'l mapa, pero tamién llamome l'atención que Zambeze apaeciera asina. Benin y Sahara, dafechu sin acentos, creo recordar (como si fuera Bénin y Sahára) Jesusito 08:24, 20 xunu 2006 (UTC)

[editar] rsgBot

Va tiempu que tenía a rsgBot creao pero nun lo había puesto a funcionar tovía. Fice una pequeña prueba pa que cambie les categoríes de Mitoloxía Griega a Mitoloxía griega y paez que lo fae bien. Voy pidir el estatus de bot en meta pa que nun llene los cambeos recientes si a nadie le parez mal. Llueu podemos usalo pa lo que se vos ocurra. Por exemplu, pa correxir faltes d'ortografía en plan "núcleu" por "nucleu" y cosuques así. --rsg (mensaxes) 15:59, 19 xunu 2006 (UTC)

Bandera de bot atribuida. --Ascánder 11:25, 22 xunu 2006 (UTC)

[editar] Mediawiki n'asturianu

Necesito facer un wiki y que menos que usar MediaWiki pa ello, el tema ye que tien soporte pal asturianu pero nun aparecen los mensaxes, revisando l'árbol d'instalación veo que falta el ficheru MessagesAst.php correspondiente al asturianu. ¿Hay manera de conseguir el ficheru utilizáu pola Uiquipedia o teo que facer la torna otra vegada dende ceru? (espero que non ya que son cerca de 2000 llinies de códigu)--Mikel (mensaxes) 21:27, 3 xunetu 2006 (UTC)

Pues voi intetar enterame a ver porqué. Entrugare-yos a un par d'admins de meta que conozco qu'igual lo saben. --rsg (mensaxes) 21:55, 5 xunetu 2006 (UTC)

Bueno acaben de contestame na llista de corréu de MediaWiki, y resulta que les tornes feches pa la wikipedia nun valen pa otros sitios, a nun ser que se faiga la torna de lo que nomen "el ficheru global" esto ye un ficheru comun pa toles instalaciones de MediaWiki (incluido la wikipedia), vamos que hai que volver a facer tool trabayu. Pa facenos una idega comparo la cabera versión del ficheru pal asturianu y pal castellanu.

Yo voy facer la torna porque quiero usar MediaWiki pa Softastur, pero como al finar la torna entamará a usase en Uiquipedia que vos paez si facemos una páxina con toles variables pa facer la torna y asi revisar y correxir errores sobre la marcha, o coses como los prefixos de les páxines d'imaxenes y sones que anguañu ye Imaxen: y pa mi sería meyor usar Ficheru: al nun ser necesariamente una imaxen. Estes coses podriemos alcordales na páxina de discusión. ¿Qué vos paez?--Mikel (mensaxes) 13:49, 10 agostu 2006 (UTC)

Una dubia que tengo ye, en que páxina podría ponese (a poder ser pa que nun se cuente como artículu) ¿podría ser algo del estilu Uiquipedia:MediaWiki?--Mikel (mensaxes) 14:48, 15 agostu 2006 (UTC)

Esto ye pa mexar y nun echar gota, ya tope'l ficheru con tolos mensaxes tornaos de MediaWiki, voy probalu na instalación mia y si tira bien mandolo al bugzilla de mediawiki pa que lo metan na siguiente distribución.

[editar] Llibru d'estilu

Pa asuntos tipográficos como l'usu de comines o lletra cursiva facíamos falta como diz rsg, tener un llibru d'estilu. Mientres tantu y non igual mos podemos arreglar consultando otres wikis, como la gallegao la española, que remite a páxines como ésta

[editar] ISBN

Dime cuenta que delles veces, cuando se cita un llibru na bibliografía apaez al final un númberu d'ISBN. Si se calca nel ennllaz del númberu llégase a una páxina especial que remite ... a delles multinacionales (amazon, etc.) que venden llibros per internet. Aparte de que me paez una casu claru y intolerable de publicidá, nun me paez que sía la manera más fácil de facese con un llibru n'asturianu pidilu a una empresa de los Estaos Uníos. Motán 22:23, 5 xunetu 2006 (UTC)

Sí, ye verdá. Nunca nun tienen nengún de los nuesos llibros. ¿Nun se podríen añader direiciones d'editoriales asturianes? Refiérome a llibreríes que tengan servicio de pidíos per Internet (p.e. Trabe, Llibrería Cervantes, etc.). --Esbardu 22:37, 5 xunetu 2006 (UTC)

Podemos poner lo que queramos, eses son les que vienen por defecto y tienen la ventaxa de qu'al facer búsquedes por isbn suelen tener de too. Hai que dase cuenta que'l isbn podemos ponelo pa cualquier llibro, no sólo pa los asturianos, pero taría bien poner alguna páxina na que se pudieran atopar. Si sabéis d'alguna poneila equí. --rsg (mensaxes) 22:52, 5 xunetu 2006 (UTC)

Sí, yo camiento qu'habría que dexar les que yá hai, y amás podríen añadese otres más específiques pa los llibros asturianos. Pa mí les dos meyores son les que punxi enriba: www.trabe.org (Llibrería Asturiana, de la editorial Trabe) y www.cervantes.com (Llibrería Cervantes d'Uviéu). Dambes tienen serviciu de venta per Internet. Tamién ta www.casadellibro.com (La casa del Libro), pero nun sé si tendrán llibros n'asturiano. --Esbardu 23:04, 5 xunetu 2006 (UTC)

[editar] Artículos mirandés/mirandês

Hola a toos. Voi decidime a fusionar estos artículos d'una vegada, yá me tán fediendo (igual que'l de Lleón/Llión/País/Rexón......). El problema ye qu'ún ta en mirandés y l'otru n'asturianu. Yo de fusionalu fadríalo n'asturianu normativu, pero nun quiero pisar el trabayu de los demás, nun sé si-y paecería mal a daquién. ¿Qué pensáis del tema? A ver si podemos dexar yá llimpios los apartaos de neutral y fusionar. En cuantes que quede falao póngome a ello. Un saludu --Esbardu 17:41, 6 xunetu 2006 (UTC)

Si pue ser, failo n'asturianu traduciendo los datos d'interés qu'haiga na versión mirandesa. 81.9.132.224 22:04, 10 xunetu 2006 (UTC)

[editar] 5.000 artículos

N'otres wikis tiren voladores cuando lleguen a númberos redondos, equí paez que somos munchu más modestos... ;) ¿Qué facemos cola nota prensa? ¿Vamos unviala? ¿Quién lo fai? ¿Dende qué cuenta corréu? Yo tengo les señes de tolos medios de comunicación que se quiera, pero cuido que ye meyor que seya un administrador quien lleve'l tema, y nun ye por vagancia, de xuru. D'otra manera... nun sé que vos paecerá, pero podíemos quedar un día pa tomar un cafetín o dalgo perhí. Entá nun somos munchos, y creo que sería prestoso conocenos y charrar de la wiki y tal, ¿qué vos paez? Jesusito 14:23, 12 xunetu 2006 (UTC)

Sí, cuido qu'habría que se dar más pompa. Igual el meyor sitiu pa mandalo sedría Asturies.com, que de xuru lo pondría y nel selmanariu Les Noticies, porque nun sé yo si nos periódicos de tirada grande (LNE, LVA, etc) se dignaríen a comentar l'asuntu. A propósitu d'esto. ¿Qué vos paez si ponemos el ranking de Wikis cola posición de la nuesa, igual que lo faen na wiki vasca (eu:Wikipedia:Albisteak)? Podría ponese nel portal de la comunida o similar. Una cosa como ésta:

55. Sicilianu (Sicilianu): 5.086 artículos (estadístiques).
56. Asturianu: 6,166 artículos (estadístiques).
57. Serbo-Croata (Srpskohrvatski / Српскохрватски): 4.841 artículos (estadístiques).

Tocante al tema de quedar perhí, yo doi'l mio votu. Cuando queráis. Un saludu --Esbardu 16:58, 12 xunetu 2006 (UTC)

Yo creo que tendría que mandase a tolos medios posibles, nunca sabes si van sacalo o non, en cuantes a lo del ranking nun me presta munchu, ye como si tuvieramos nuna competición, cuando peme más importante tener articulos bien desarrollaos que miles d'entamos (como ye'l casu de la wiki en vascu, que non vasca ;-p)--Mikel (mensaxes) 21:52, 12 xunetu 2006 (UTC)

Olvidámame de lo más importante, lo de quedar, por mi val, pero meyor que un cafetín... unes cerveces ¿nun vos paez?...--Mikel (mensaxes) 21:54, 12 xunetu 2006 (UTC)

Si quedamos, caún que pida lo que-y pete. En cuantes a lo de unviar la nota prensa, yo pienso qu'hai de mandala a toos. Nun cuesta nada, y siempre pue haber espaciu, por ruinu que sea, nes páxines de Internet o n'asturianu. En cuantes a lo del ranking... bueno, nun sobra, aunque sí que puea parecer que tamos nuna carrera. De toles maneres, ye un datu.

En cuantes a lo de cómo unviala: tengo la axenda de la comunicación del Principáu coles señes de tolos medios de comunicación asturianos. Tengo entendío que Wikimedia permite abrir una cuenta corréu por edición de wikipedia, aunque nun ye fácil consiguila. De toles maneres, pensé que podíemos abrir una cuenta corréu en gmail, por exemplu, a la que tuvieren accesu namás que los alministradores, y que fuera como una canal de comunicación de la propia uiqui 'col esterior'. Qué vos paez. Jesusito 07:38, 13 xunetu 2006 (UTC)

A ver, ¿entós hai algún voluntariu pa mandalo? Y como bien decís, a mandalo a tolos sitios posibles, que nun perdemos na. --rsg (mensaxes) 12:10, 19 xunetu 2006 (UTC)

Abrí apocagüéi una cuenta de corréu que pudiera emplegase pa usu de la uiqui, y dende la que voi unviar la nota prensa si vos paez. Toi recopilando les señes de los medios de comunicación. Propongo que seyan los alministradores quienes tengan accesu a esa cuenta (uiquipedia(arroba)yahoo.es), asina que si eso mandovos los datos per corréu. De momento ya voi poneme a unviar la nota prensa. Otra cosa, dixeronme que nes noticies de Cuatro emitieron un reportax so la Wikipedia, y que mencionaron les versiones nes llingües españoles "incluso el bable". A ver si a poco y a poco va axuntándose xente. Un saludo Jesusito 09:06, 28 xunetu 2006 (UTC)

[editar] Autopistes y carreteres

¿Qué vos paez si nel casu d'autopistes, carreteres y demás, ponemos-yos de nome el códigu? Digolo porque agora mesmu tenemos la Autovía Minera pero cuando falemos de la N-632 o la AS-19, por exemplu, nun tendríen más nome que'l códigu. Ye namás una cuestión d'estilu, por mantener un orden. Por supuestu habría que facer redireciones col nome: Autovía de la Plata, Autopista del Noroeste, etc... ¿Qué decis?--Mikel (mensaxes) 22:48, 16 xunetu 2006 (UTC)

¿Qué tal, Mikel? La entrada AS-1 yá esiste, y de momentu redirixe a Autovía Minera, onde ta l'artículu en sí. Igual lo meyor yera dexar les autovíes, que toes tienen nome propiu (sacantes el tramu de la AS-17 ente Llanera y Viella, y el tramu que tán faciendo ente Viella y Bobes), col artículu principal nesi nome propiu, y depués yá les otres carreteres menos importantes dexales pol códigu. De toes maneres, a mí dame igual, como queráis. Un saludu. --Esbardu 15:46, 17 xunetu 2006 (UTC)

Nun sabía que toles autopistes teníen nome, entos camiento que queda meyor el nome como bien dices, gracies.--Mikel (mensaxes) 22:46, 17 xunetu 2006 (UTC)

[editar] Flag bot to BOT-Superzerocool

Español: Hola, estoy presentando a este bot el cual ayudará a mantener los interwikies entre ast.wiki y el resto de las wikipedias. Por ahora este bot está en varias wikipedias en forma autorizada, las cuales se pueden ver en la página de usuario de este bot. Funciona con pywikipedia y hace los enlaces sólo en forma autonoma y sin tocar áquellos tienen problemas de enlace en las otras wikies o que sena dudoso. Esta opción viene incorporada en el pywikipedia. BOT-Superzerocool 18:36, 22 xunetu 2006 (UTC) (Por favor traducir)

[editar] Reportax nun diariu

Qué hai. Ayeri mandé finalmente la nota prensa colo de los 5.000 artículos. Contestó un diariu, nel que tan interesaos en facer un reportax, pero, lóxico, necesiten un portavoz. Yo nun pueo, de xuru, apaecer en nengún mediu (trabayo n'ún). Magar que ya-yos diera'l mio númberu de teléfonu, taría bien que dalgún de vosotros ufreciérase voluntariu pa cuntar qué ye Uiquipedia y too eso. ¿Quién s'anima?. Jesusito 12:24, 30 xunetu 2006 (UTC)

Al final la cosa queda asina. Corre-ys prisa facer el reportax, asina que di-ys como referencia les tresparencies que fizo rsg pa la so conferencia nes xornaes de sftware llibre d'Uvieu. Pal tema de la semeya quedarán con Mikel, que ye l'unicu disponible estos díis. En fin, a ver qué tal. Saludos. Jesusito 08:30, 2 agostu 2006 (UTC)

Güei, en La Voz de Asturias, apaez el reportaxe famosu. Agora resulta que llamen d'una tele pa facer daqué sobre la uiquipedia. ¿Quién s'apunta? Jesusito 10:47, 7 agostu 2006 (UTC)

[editar] Request of bot flag for Zyxwvut-Bot

• Special:Contributions/Zyxwvut-Bot (no contribution at the time of the request)
• Special:Contributions/Hégésippe Cormier (contributions of the bot master, mainly interwikis)

Responsible owner : Hégésippe Cormier aka Hégésippe (main account on FR)

[editar] Ayuda

Quisiera pedir ayuda para editar los conceyos de Soria porque mi traduccion no es buena.

Se puede conseguir informacion de la página [3](Pueblos de Soria)

[editar] Nomes de les llingües

Hola a toos. Paezme qu'hai un poco de baruyu colos nomes de les llingües de les Wikipedies hermanes que salen na portada, ye dicir, dalgunes tienen el nome traducíu (p.e. Anglosaxón, Bretón, Serbocroata, ...), mentes qu'otres tienen el nome orixinal d'ellos (p.e. Català, English, ქართული, עברית, ...). Tenemos 3 opciones pa uniformizalo too:

1. Tornar tolos nomes a la nuesa llingua (al mio xuiciu non recomendable).
2. Dexar el nome orixinal na llingua respeutiva (tien la pega de qu'hai idiomes que nun sabemos qué son).
3. Poner el nome orixinal y depués ente paréntesis la traducción al nuesu idioma (al mio xuiciu lo más recomendable). P.e.: Български (Búlgaru), Hrvatski (Croata), etc.

¿Qué opináis del tema?. Un saludu --Esbardu 22:28, 14 agostu 2006 (UTC)

Les que tienen más de 10.000 artículos salen inevitablemente na so llingua. Les demás punxe el nome más curtiu, d'ehí el baruyu, el que quiera puede poneles toes n'asturianu o nel nome propiu, si quier. --Bar 23:35, 14 agostu 2006 (UTC)

A mi poner el nome orixinal y la traducción paezme la meyor idea --Nanuc 22:30, 15 agostu 2006 (UTC)

Opino lo mesmu que Nanuc, anque dexaría los de más de 10.000 artículos como tan, o quiciabes meter na barra de la izquierda a partir de 50.000 por exemplu.--Mikel (mensaxes) 22:54, 15 agostu 2006 (UTC)

Toi d'alcuerdu colo de poner solo los de más de 50.000 a la esquierda, porque la llista actualmente yá ye perllarga, ¿qué opines, Bar?. Y si se llega a poner asina, pa nun ferir sensibilidaes vecines igual podíemos poner un cuadrín nel cuerpu principal coles llingües hermanes peninsulares separtaes del restu. Tocante a poner la nomenclatura doble nes de menos de 10.000, póngome a ello nel intre. Un saludu --Esbardu 23:04, 15 agostu 2006 (UTC)

Paezme bona idea destacar les llingües peninsulares.--Mikel (mensaxes) 23:18, 15 agostu 2006 (UTC)

[editar] Imaxen o archivu multimedia destacáu del mes

Qué vos paez si ponemos na Portada una imaxen o archivu multimedia destacáu del mes al estilu de Commons. Podría faces incluso con mayor periodicidá (selmana o día) ya que podía montase un sistema de plantilles p'actulizar automaticamente. Les imaxenes se votarien como l'artículu destacáu del mes. ¿Qué decis?--Mikel (mensaxes) 14:45, 15 agostu 2006 (UTC)

• Toi d'alcuerdu con tolo que seya meyorar la portada (y por ende la uiqui): alantre. --Bar 16:06, 15 agostu 2006 (UTC)

Préstame la idea --Nanuc 22:31, 15 agostu 2006 (UTC)

• Paezme una idea perbona, Mikel. Manes a la obra --Esbardu 23:00, 15 agostu 2006 (UTC)

Val, pongome con ello entos, voy tratar d'ameyorar un poquiñin el diseñu en xeneral de la Portada n'una páxina de preba en cuantes lo tenga vos aviso pa ver que vos paez.--Mikel (mensaxes) 23:17, 15 agostu 2006 (UTC)

[editar] como fago pa que nun salga la mio ip

como fago pa que nun salga la mio ip cuandu fago una collaboración. comu fago pa identificame

Primeru has de rexistrate equí y pa conectar equí (debería salite un ellace na parte d'arriba a la drecha que pon entrar).--Mikel (mensaxes) 23:42, 15 agostu 2006 (UTC)

[editar] Propuesta de nueva portada

Equí teneis una propuesta pa una nueva portada. Discusión equí.--Mikel (mensaxes) 15:30, 16 agostu 2006 (UTC)

[editar] Bot request Thijs!bot

Hello. Since I cannot write asturian I have put a bot flag request on Uiquipedia:Embaxada. However, I do not get any response there. So I will copy it here:

Hello. My name is Thijs and I am from the Netherlands. I run a bot called Thijs!bot on many wikipedia's (more than 40) to create interwiki-links to and from articles about the same subject. I would like to request a bot flag for performing this task on ast:. For this application I need the support of the local community, and hereby I would like to ask for support. The bot will not make the wikipedia run slower, because adding any extra language doesn't cause additional server load. Furthermore the bot will always ask me before it performs difficult tasks. On itself, it only does unambigious edits. As a main source I use the Dutch wikipedia and Flacus' warnfiles. Thijs! 13:07, 2 agostu 2006 (UTC)

Can I get to bot flag? Thijs! 08:54, 18 agostu 2006 (UTC)

All bots are welcome to this wikipedia. --Bar 13:24, 18 agostu 2006 (UTC)

[editar] saludu

Hola qué hai. Toi acabante de volver de vacaciones, asina qu'entá toi poniéndome al día de lo que se mueve perequí. A ver si métome otra vegada a trabayar un poquiñín na uiqui. Un saludu a toos. Jesusito 09:12, 22 agostu 2006 (UTC)

Yo digo lo mesmu, dempués d'unes selmanes d'ausencia equí toi de nuevu. --rsg (mensaxes) 18:13, 23 agostu 2006 (UTC)

[editar] Portal de la comunidá

Hola a toos. Acabo faer un cambéu nel portal. Añadí l'apartáu de a raiz del artículu de Teoría del conocimientu. Toi d'alcuerdu con Rsg en que nun ye un artículu enciclopédicu, anque si se camudara de dalguna forma sí podría quedar aceptable. A parte d'esto, y como los dos cuadros de la páxina del portal de la comunidá me quedaben de distinta altura, añadí nel primeru la llinia Ayuda:Conteníu por rellenalo, porque nun se m'ocurría otra cosa que poner ehí. Si tenéis dalguna idea, camudáilo. A propósitu del tema. Los que nun usáis Windows (yo uso XP con el browser Mozilla), ¿veis los dos cuadros del mesmu altor? ¿Habría dalguna manera de poner los cuadros iguales, ensin que dependan del testu qu'haya dientro?. Bienveníos a los vacacioneros. Un saludu --Esbardu 19:13, 23 agostu 2006 (UTC)

[editar] Plantilles d'elementos químicos

Hola a toos otra vuelta. Voi entamar a faer la plantilla de los elementos químicos al estilu de la Uiqui n'inglés, a ver si soi a llogralo. Voi intentar faelo más cenciello (usar menos plantilles que les que ficieron los ingleses, ye un enguedeye) con condicionales y eso. Asina que pídovos paciencia cuando veais los caberos camudamientos enllenos de plantilles y cambeos ;-). Un saludu--Esbardu 19:57, 23 agostu 2006 (UTC)

Sigo colo de los elementos químicos. ¿Sabe daquién por qué nel artículu del oxíxenu'l testu entama un cachu más p'abaxo de lo normal? Tuvi revisando les plantilles y nun veo nada raro. Amás, coles mesmes plantilles camudé'l flúor y ésti vese bien. Por ciertu, veis correutamente les plantilles los qu'usáis otros sistemes operativos o browsers (yo uso XP con Mozilla)? Un saludu --Esbardu 00:14, 26 agostu 2006 (UTC)

[editar] 850 artículos de un plumazo

Si queréis obtener 850 artículos nuevos de un plumazo id a ca:Categoria:Llistes d'asteroides, copiáis tooooodo cuanto contenga en un solo fichero de Word (Openoffice aguanta mejor que sea un fichero tan largo) y os poneís a sustituir las diferencias con la herramienta de reemplazar "d'octubre]]" -> "d'ochobre]]" y en un momento se habrán adaptado cientos de miles de palabras al asturiano. La primera lista (los primeros mil asteroides) es la más problemática ya que es la que tiene más topónimos, pero el resto siempre son los mismos que se pueden adaptar en un instante con la herramienta de reemplazo.

Lo digo por qué sé que en las wikipedias pequeñas se estimula mucho la cooperación si el número de artículos crece. En la wikipedia en catalán se tardó 3 días en hacerlo todo cambiándolo desde la versión en inglés, pero recomiendo que uséis el catalán como base ya que las fechas se han adaptado a la gramática de las lenguas románicas.

Es un consejo. 81.36.241.190 08:16, 3 setiembre 2006 (UTC)

Voi poneme a ello. Yá sé que nun ye cosa de xorrecer por xorrecer, pero nun veo por qué nun va estar. ¿Paezvos bien? Jesusito 22:02, 3 setiembre 2006 (UTC)

Alantre. --Bar 22:05, 3 setiembre 2006 (UTC)

[editar] Please, help slavonians!

Please, help us to open Wikipedia on Surzhyk language! We need just your support vote here http://meta.wikimedia.org/wiki/Requests_for_new_languages#Surzhyk_.2819_Support.2C_11_Oppose.29 Thank you so much! --Dmitry Nikitin

[editar] Escarbot

Hola a toos. ¿Nun se pue facer que'l bot Escarbot nun salga nos caberos camudamientos? ¿Nun tien el flag de bot? Ye que me paez que ta saturando demasiao'l llistáu. Un saludu --Esbardu 17:59, 19 setiembre 2006 (UTC)

[editar] Un par de cosuques

Buenes xente! Lo primeru, ye disculpame polo poco que toi entrando na wiki ultimamente, pero fuime a vivir solo y nun tengo internet en casa. Lo segundu, yera pa comentavos una cosa qu'igual os interesaba. Ta falándose de facer una "sucursal" de la fundación Wikimedia n'España. Evidentemente, ye pa toles wikis, nun sólo pa la wiki n'español. Lo meyor ye que vos suscribáis a la llista de corréu de la es:, y ya vos enteráis allí. Ye algo que nos vendría mui bien, pa tener apoyos dar conferencies, facer promociones, publicidá, etc.

Saludos. --rsg (mensaxes) 10:42, 29 setiembre 2006 (UTC)

[editar] Bots

Acabo de bloquear al bot TXiKiBoT por unes ediciones del 19 de setiembre onde al meter interwikis blanqueó un montón de páxines d'años. Lo meyor ye que te bloqueáu hasta que se le revisen toes les ediciones y falemos col dueñu pa ver que ye lo que pasó. Esti ye'l problema de correr bots ensin control humanu, que puen desfacer en un momentín media wiki. Creo que teníemos que ser más restrictivos colos bots, nun faen falta 20 bots d'interwikis, val más tener pocos y buenos que munchos y malos. Y por supuesto, nun permitir que nos usen pa pruebes, nos saturen los caberos camudamientos, o faigan coses que nun tan aprobaes pola comunidá. Intentaré redactar unes normes bien sencilles, ¿qué vos parez? --rsg (mensaxes) 09:56, 3 ochobre 2006 (UTC)

Paezme bien.--Mikel (mensaxes) 22:30, 3 ochobre 2006 (UTC)

[editar] Edá, Época, Era, Dómina (xeolóxiques)

Hola a toos. Púnxime a "uiquificar" un poco les dómines xeolóxiques a raiz de la creación del artículu Xurásicu, y acaba surdime una dulda. Entamé camudando Era por Dómina, pero igual lo meyor ye dexar el nome de Dómina pa la Época. ¿Qué vos paez? Nel DALLA figura Edá como tala (Edá del Fierro etc), Era como tala (Era Primaria etc) y depués tamién apaez el términu Época, pero nun lo refier a edaes xeolóxiques. ¿Dexámoslo como Época o camudámoslo a Dómina? Un saludu --Esbardu 17:10, 11 ochobre 2006 (UTC)

[editar] 6.000 Artículos

Bones. ¿Creyéis que sedremos quien a algamar los 6.000 artículos enantes de que fine l'añu? (a esti ritmu nun me paez descabelláu camentar que si). Anque bono yá sé que lo más importante nun ye tener munchos artículos si llueu son namái qu'entamos o tán mal desenrollaos, pero paez qu'algamar cifres redondes ye lo que-y da publicidá y méritu al trabayu que tamos desendolcando. Salú --VityUvieu 14:39, 15 ochobre 2006 (UTC)

Camiento que tamos nun punto onde nun va valorase el númberu d'articulos de mil en mil comu enantes sinon a los 10.000, de toes formes toi contigo en que quiciabes lleguemos, anque tampoco-y doi importancia.--Mikel (mensaxes) 18:20, 15 ochobre 2006 (UTC)

Nel últimu mes creáronse 363 artículos nuevos, asina que si seguimos a esti ritmu algamamos los 6000 enantes de 30 díes, pero esto nun ha obsesionanos. Saludos --Esbardu 19:18, 15 ochobre 2006 (UTC)

La mio opinión al respective de les cifres que va algamando la Wiki asturiana ye que son bien ruinos con relación a los 161.259 artículos escritos n'español, los 42.656 en catalán, los 18.862 en gallego, o los 14.367 en euskera. ¿Tien sentíu qu'una llingua tan minoritaria como la nuestra mire pa los númberos? Siempre pensé que'l mundu de la cultura nun tien que ser un mundu competitivu (y les cifres remiten siempre a la competición) y asina me planteo el trabayu que vengo faciendo na Wiki (con más o menos aciertu). Cuando me pongo a facer un artículu pienso poco nel númberu que fai na enciclopedia, procuro más facer un artículu que seya útil pa la xente que pueda tener necesidá d'él, que te razonablemente documentáu, medianamente bien traducíu (a poder ser del francés, que ye la llingua estranxera que controlo mínimamente) o moderadamente arrelláu a la realidá asturiana. Ye cierto que non siempre lo consigo, lo primero porque non siempre parto d'estes mesmes premises que menciono.

Y yá puestos voi dexar una entruga pa la polémica: ¿Tien sentíu traducir una entrada dende'l castellanu? Esto fícelo yo en dalguna ocasión, pero ¿tien interés? Zato-ino 07:01, 16 ochobre 2006 (UTC)

Va tiempu ya que lo del númberu d'artículos nun me preocupa. Dacuando echo una güeyada al llistáu d'ediciones y miro más el númberu mediu d'ediciones por artículu, que t'apurre daqué d'información sobre lo que pue ser la calidá de la wiki (ya sé que non siempre). En cuantes a lo del interés de les tornes dende la wiki en castellanu, pa mí ye tan interesante como faceles dende'l francés o el inglés. Pa mín esta uiqui nun ye un apéndiz de la edición en castellanu, asina que nun-y veo problema. La utilidá de la wiki nun pasa porque los sos conteníos sean mayoritariamente relativos a Asturies o Llión, si non porque tan en asturianu. De xuru que, agora mesmu, la información sobre Mozart va ser munchu más completa na edición en castellanu que n'asturianu, pero sí que quien busca equí a Mozart, busca información n'asturianu. Concibo la uiqui como una ferramienta en desenrrollu. Siempre pensé que, anguaño, pue ser afayadiza pa determinaes actividaes na práctica del asturianu pela parte de los escolinos. Igual ye munchu dicir, pero ye la utilidá que me vien a la cabeza. Por eso púnxeme va tiempu cola llista de los mil artículos 'que toa wikipedia tien que tener'. Paezme que ye tan interesante qu'haiga un artículu sobre Pin de Pría que sobre cuestiones que quiciabes nunca nun s'escribieren n'asturianu. Como la biografía d'un actor porno o sobre elementos químicos, por exemplu. Cuido que esti yá ye el sitiu n'internet n'asturianu más completu sobre temes que nun tienen que ver col asturianu. Y ello ye interesante, al menos pa min. Jesusito 08:58, 16 ochobre 2006 (UTC)

Jesusito, probablemente tengas razón no tocante a qu'esta Wiki sirva de manera especial sólo pa los escolinos, pero si esto ye asina, con que pusieramos cuatro caxigalines del magüestu o del antroxu diba ser abondo porque poques coses más se fain nes clases de llingua asturiana na escuela. Sacaba l'asuntu de les traducciones dende l'español recordando un artículu n'El Comercio del so director Francisco Carantoña nel que cuestionaba la utilidá de traducir El Quijote al euskera. L'argumentu venía a ser que si cualquier vascu que supiera lleer n'euskera, lo facía ensin ninguna dificultá en castellanu pa qué diba lleer una traducción si tenía accesu a la versión orixinal. D'entós p'acá veo un poco inútiles les traducciones d'obres escrites orixinalmente n'español yá que por buena que seya la versión de los Veinte poemas de amor y una canción desesperada de Pablo Neruda nunca algamará l'altor del orixinal. Yá sabes eso de «traduttore, traditore». Yo tampoco creo que la wiki asturiana seya un apéndiz de la castellana, por eso de los más d'ochenta artículos que creé, una mitá tien como protagonista indiscutible a Asturies y la otra mitá a estremaos temas que, nun principiu, nada tienen que ver col Principáu, por más que si Frank Stack (por poner unu de los últimos artículos nos que trabayé) tuvo en dos ocasiones n'Asturies lo faiga notar o si los Hermanos de les Escueles Cristianes (por poner unu de los primeros artículos nos que trabayé) tienen una historia propia nesta tierra la recueya col mayor procuru. Lo que faigo (la mayor parte de les veces) cuando me planteo traducir un artículu ye facelo non dende la wiki en castellanu sino dende'l francés o l'inglés, un poco en función de que'l tema nel que trabaye perteneza más a un ámbitu cultural o a otru (pienso, nun sé si acertada o equivocadamente, que la traducción sobre Tarzán debo facela dende l'inglés y la d'Hergé dende'l francés, yá que nestes wikis tarán los artículos más interesantes relativos a estes entraes). Zato-ino 11:24, 16 ochobre 2006 (UTC)

No os obsesionéis con las cifras. Los números demuestran que la Wikipedia en asturiano tiene una actividad muy alta considerando la comunidad lingüística que es (ver en:Wikipedia:Wikipedia_articles_per_population). No llegáis a la altura de la Wikipedia en aragonés pero ya quisiera la castellana estar a vuestro nivel. 81.35.35.213 08:00, 29 ochobre 2006 (UTC)

Acabo ver na portada los 6001 artículos y tamos a primeros de payares, anguañu tengo bastante abandonada la wikipedia a ver si en escomencipiando'l añu tengo más tiempu.--Mikel (mensaxes) 15:48, 5 payares 2006 (UTC)

[editar] Wikimania 2007 Team Bulletin

Published by the Wikimania 2007 Taipei Team, Wikimania 2007 Team Bulletin provides the latest news of the Team's organizing work to everyone who is interested in Wikimania; it also gives the Team chances to announce calls for help/participation, so assistance in human and other resources can be sought in a wider range. Team Bulletin is published at the official website of Wikimania 2007 and released to the public domain. Issue 1 and Issue 2 has already published.--218.166.212.246 01:46, 29 ochobre 2006 (UTC)

[editar] Testu de la Ilesia sobre la reforma l'estatutu

¿Creyéis que ye importante'l testu asoleyáu pola Ilesia Asturiana (l'arzobispáu d'Uviéu) nel que se diz qu'hai que finar col confliutu llingüisticu, y que fala d'un estáu plurinacional? Ye que si como yo opinais que si, yera bono ponelo nes noticies d'actualidá lo más ceu posible. VityUvieu 22:13, 3 de payares 2006 (UTC)

Ponlo si te paez, que yo sepa siempre ponense les noticies que uno considera interesantes y que quier que los miembros d'esta comunidá de wikipedistes conozan (afortunadamente nun mos reximos por intereses económicos nin políticos).--Mikel (mensaxes) 23:20, 3 payares 2006 (UTC)

[editar] Nomes científicos

Teo una dubia, nos nomes de animalos o plantes, ¿nun sedría meyor poner el nome científicu y llueu poner el vulgar reedirxíu? Dígolo perque delles vegaes hai subespecies....y pa nun tracamundiáse...

A mí paezme bien. --Esbardu 21:44, 9 payares 2006 (UTC)

Si yo tamién toi a favor, creo que pa usos enciclopédicos ye más nomral tirar del nome científicu (anque tamién mantener el nome n'asturianu).--Mikel (mensaxes) 02:04, 10 payares 2006 (UTC)

[editar] Plantía de cine

Bones. Necesito l'aida de daquien, ye que como nun me furrulaba la plantilla de cine de la uiqui en castellán y yo nun se facer una nueva garré la de los asteroides, y quedome bien pero quiero camuda-y la color, si dquien sabe como que me lo diga munches gracies. Podeis ver la plantía en Big Fish.--VityUvieu 12:03, 11 payares 2006 (UTC)

Hola VityUvieu. Yá fice la plantiella de cine a imaxe y semeyanza de la castellana. Lo único qu'has faer ye, cuando tornes los artículos, camudar los nomes de les variables pol so equivalente asturianu, teniendo procuru en nun escaecer nengún acentu. Equí tienes la llista:

  títulu orixinal = titulu orixinal
  títulu = títulu en castellanu
  índiz = índiz pa categorizar (p. ex.: Resplandor, El)
  imaxe = 
  nome imaxe = 
  direición = 
  direición2 = 
  direición3 = 
  direición4 = 
  aidantedireición = 
  direición artística = 
  producción = 
  diseñu producción = 
  guión =
  música =
  soníu = 
  fotografía =
  montax = 
  escenografía = 
  vestuariu = 
  maquillax = 
  peluquería = 
  efeutos = 
  repartu = 
  país = 
  país2 = 
  país3 = 
  país4 = 
  estrenu = 
  xéneru = 
  duración = 
  productora = 
  distribución =
  presupuestu = 
  imdb = 

Un saludu --Esbardu 00:00, 13 payares 2006 (UTC)